“Yoshlar o‘rtasida yo‘l harakati transport hodisalarining oldini olish” mavzusida davra suhbati

“Yoshlar o‘rtasida yo‘l harakati transport hodisalarining oldini olish”

mavzusida davra suhbati bo‘lib o‘tdi

Navoiy innovatsiyalar universitetida “Yoshlar o‘rtasida yo‘l harakati transport hodisalarining oldini olish” mavzusida davra suhbati tashkil etildi. Tadbirda yo‘l harakati xavfsizligi masalalari bo‘yicha yetakchi mutaxassislar ishtirok etishdi.

Xususan, Navoiy viloyati IIB JXH YXHB boshlig‘i o‘rinbosari podpolkovnik Toshtemirov Murodjon, Navoiy viloyati IIB JXH YXHB ta’lim muassasalari bo‘yicha katta mutaxassis leytenant Dinara Isroilova, universitet yoshlar masalalari va ma’naviy-ma’rifiy ishlar bo‘yicha birinchi prorektor v.v.b. A.Ergashev, ma’naviyat bo‘limi xodimlari, yoshlar yetakchisi, tyutorlar hamda 200 ga yaqin talabalar ushbu suhbatda faol ishtirok etdi.

Mazkur davra suhbatida yoshlar o‘rtasida yo‘l harakati qoidalariga amal qilish, ehtiyotsizlik oqibatida yuzaga kelishi mumkin bo‘lgan holatlar va ularning oldini olish choralariga alohida e’tibor qaratildi. Tadbirda talabalarga nazariy bilimlar bilan birga, amaliy tavsiyalar ham berildi.

Suhbat yakunida ishtirokchilar o‘zlarini qiziqtirgan savollar bo‘yicha mutaxassislardan batafsil javoblar olishdi. Ushbu tadbir yoshlarning yo‘l harakati madaniyatini oshirishga qaratilgan muhim qadam sifatida baholandi.