30.01.2025
1 daqiqa
YOSHLAR BILAN UCHRASHUV: MUHIM MASALALAR MUHOKAMASI
“Navoiy innovatsiyalar universiteti”da talaba-yoshlar bilan samimiy uchrashuv tashkil etildi. Mazkur uchrashuvda Respublika Yoshlar ishlari agentligi vakili I. Matlamov, O‘zbekiston Yoshlar ittifoqi Navoiy viloyat kengashi raisi J. Jumayev, Navoiy viloyati Yoshlar ishlari boshqarmasi bo‘lim boshlig‘i A. Yashinov, shuningdek, Oliy ta’lim, fan va innovatsiyalar boshqarmasi innovatsion rivojlanish bo‘limi boshlig‘i D. Bobomurodov ishtirok etdi.
Uchrashuv davomida mas’ul vakillar talaba-yoshlarning huquq va manfaatlari, bandlik, tadbirkorlik hamda shaxsiy rivojlanish yo‘nalishlarida duch kelayotgan muammolarini tinglashdi. Yoshlar o‘zlarini qiziqtirgan savollar bilan murojaat qilish imkoniyatiga ega bo‘ldi.
Samimiy va do‘stona muhitda o‘tgan muloqot davomida yoshlar uchun yaratilgan bugungi imkoniyatlar, innovatsion rivojlanish istiqbollari hamda muvaffaqiyatga erishishning asosiy omillari haqida fikr yuritildi.
Mas’ul shaxslar yoshlarga o‘z maqsadlariga erishish yo‘lida muhim ko‘rsatmalar va amaliy tavsiyalar berishdi.Mazkur uchrashuv yoshlar uchun nafaqat dolzarb masalalarni muhokama qilish, balki kelajak rejalarini shakllantirishda muhim turtki bo‘ldi.