14.01.2025
1 daqiqa
"Vatanga Qasamyod" shiori ostida bayram tadbiriga bag‘ishlangan sport musobaqasi
Navoiy innovatsiyalar universiteti "Iqtidorli talabalar bilan ishlash bo‘limi" va "Maʼnaviyat bo‘limi" hamkorligida 13-yanvar kuni "14-yanvar – Vatan himoyachilari kuni" munosabati bilan iqtidorli talaba-yoshlar o‘rtasida "Vatanga qasamyod" shiori ostida bayram tadbiri o‘tkazildi.
Tadbir davomida askar hayotiga oid turli sahna ko‘rinishlari namoyish etildi, shuningdek, talaba-yoshlar o‘rtasida qiziqarli sport musobaqalari tashkil qilindi. Musobaqada ishtirokchilar quyidagi sport turlari bo‘yicha bellashdilar:
1. Armrestling
2. “Otjimanie” mashqi
3. Tosh ko‘tarish
G‘oliblar:
Tosh ko‘tarish bo‘yicha 1-o‘rin – Axborot tizimlari va texnologiyalari yo‘nalishi talabasi Yusupov Abbos;
Armrestling bo‘yicha 1-o‘rin – Ijtimoiy-gumanitar fakulteti talabasi Aliyev Diyor;
“Otjimanie” mashqi bo‘yicha qizlar o‘rtasida 1-o‘rin – Boshlang‘ich taʼlim yo‘nalishi talabasi Boboqulova Dilbar.
Musobaqa g‘oliblari diplom va esdalik sovg‘alari bilan taqdirlandilar. Bundan tashqari, bayram tadbirida faol ishtirok etgan talabalarga universitet rahbariyati tomonidan tashakkurnoma va esdalik sovg‘alari topshirildi.
Tadbir iqtidorli yoshlarning vatanparvarlik ruhini oshirish, ularning jismoniy va maʼnaviy tarbiyasini yuksaltirishga xizmat qildi.