📌 Surxondaryo sho’rchi kampusida “Uch avlod uchrashuvi” bo‘lib o‘tdi

2025-yil 10-sentabr kuni Navoiy Innovatsiyalar Universitetining Surxondaryo viloyati Sho‘rchi kampusida muhim ma’naviy-ma’rifiy tadbir – “Uch avlod uchrashuvi” tashkil etildi.

🤝 Tadbir Sho‘rchi tumani Favqulodda vaziyatlar bo‘limi va tuman mudofaa bo‘limi hamkorligida o‘tkazildi.

🔹 Uchrashuvning asosiy maqsadi – yosh avlod ongiga vatanparvarlik, fuqarolik mas’uliyati va ijtimoiy faollik qadriyatlarini singdirishdan iborat bo‘ldi. “Uch avlod” g‘oyasi doirasida: • Keksalar – hayotiy tajriba va saboqlari bilan, • O‘rta avlod – hayotiy ko‘rsatmalari bilan, • Yoshlar – ilhom va orzu-intilishlari bilan birlashib, samarali muloqot muhiti yaratildi.

🎙 Uchrashuvda professor-o‘qituvchilar, talabalar hamda jamoat tashkilotlari vakillari ishtirok etdilar. Keksalar ibratli voqealarni so‘zlab berishdi, mehmonlar esa mamlakat xavfsizligi va fuqarolik mas’uliyati haqidagi dolzarb mavzularni yoritib berishdi.

🌟 Talabalar esa kelajakka oid orzu-maqsadlari, bilim olish va yurtga xizmat qilish istaklarini bildirdilar. Savol-javob jarayoni orqali ular o‘zlarini qiziqtirgan savollarga javob olish imkoniga ega bo‘lishdi.

✍️ Tadbir yoshlarda mustahkam fuqarolik pozitsiyasini shakllantirish va ma’naviy-ma’rifiy tarbiyada muhim qadam bo‘ldi.