10.12.2024
1 daqiqa
Navoiy innovatsiyalar universiteti talabasi rektor stipendiyasi sohibiga aylandi!
Aniq, tabiiy va texnika fanlari kafedrasi Biologiya yo'nalishi 2-kurs 1-guruh talabasi Saydullaeva Sabina universitetimizdagi faol va iste'dodli talabalardan biri sifatida yana bir yuksak yutuqqa erishdi. U darslardagi faol ishtiroki, ijobiy natijalari hamda bilim olishga bo'lgan intilishi evaziga Navoiy innovatsiyalar universiteti rektori stipendiyasini qo'lga kiritdi.
Mazkur stipendiya umumiy 3 000 000 so'mni tashkil etib, talabaga 6 oy davomida har oy 500 000 so'mdan berib boriladi. Bu mukofot nafaqat Sabinaning mehnatini munosib baholash, balki universitetimiz talabalarini yanada katta yutuqlarga ilhomlantirishga qaratilgan.
Navoiy innovatsiyalar universiteti iste'dodli va iqtidorli yoshlarni qo'llab-quvvatlashni o'zining ustuvor vazifalaridan biri sifatida belgilagan. Bu singari stipendiyalar kelajak avlodning muvaffaqiyatli bo'lishi uchun ishonchli asos bo'ladi.
Ilmga intiling, katta marralarni zabt eting!