26.11.2024
1 daqiqa
Navoiy innovatsiyalar universitetida "Vatan himoyasi – muqaddas burch!" tadbiri bo‘lib o‘tdi.
Joriy yilning 20-noyabr kuni Navoiy innovatsiyalar universitetida yoshlarni Vatanga sadoqat, milliy an’ana va qadriyatlarga hurmat ruhida tarbiyalash maqsadida "Vatan himoyasi – muqaddas burch!" mavzusida ma’naviy-ma’rifiy tadbir o‘tkazildi.
Tadbirda Navoiy gornizonida joylashgan 20022 va 99368-harbiy qismlarning orkestrlari, Faxriy qorovul jamoalari, Karmana tuman Qo‘riqlash bo‘limi - Kamonchilar Ichki ishlar boshqarmasining Kinologiya xizmati xodimlari ishtirok etdi.
Tadbir doirasida vatanparvarlik tuyg‘usini targ‘ib etuvchi qator ko‘rgazmali chiqishlar namoyish etildi.
Jumladan:- Faxriy qorovul jamoalarining namoyishlari;- Milliy gvardiya xizmatining qo‘l jangi san’ati;- Kamonchilar jamoasining mahoratli chiqishlari;- Kinologiya xizmatining maxsus ko‘rgazmalari.
Mazkur tadbir talabalarda vatanparvarlik tuyg‘usini shakllantirish, milliy qadriyatlar va himoyachilarimiz faoliyatiga bo‘lgan ehtiromni kuchaytirishga xizmat qildi.