“MENGI TEKSTEL GROUP OOO”ga ekskursiya

Navoiy innovatsiyalar universiteti talabalari uchun amaliy bilim makoni:

“MENGI TEKSTEL GROUP OOO”da ekskursiya

Navoiy innovatsiyalar universitetining “Iqtisodiyot va axborot texnologiyalari” kafedrasi o‘qituvchilari G‘afurova Dilobar Karomatovna hamda Rustamova Maftuna tashabbusi bilan 3-kurs talabalari uchun “MENGI TEKSTEL GROUP” OOO korxonasiga maxsus ekskursiya uyushtirildi.

Mazkur tashrif davomida talabalar auditoriyada egallagan nazariy bilimlarini amaliyot bilan uyg‘unlashtirish imkoniga ega bo‘lishdi. Korxonadagi ishlab chiqarish jarayonlari, mahsulot turlari, marketing strategiyalari, boshqaruv tizimi hamda eksport operatsiyalari bo‘yicha to‘liq ma’lumot berildi.

Ekskursiya orqali talabalar korxonaning moliyaviy tahlili, tovar aylanmasi, soliq to‘lovlari, hamda zamonaviy texnika va texnologiyalar bilan ishlash xususiyatlari bo‘yicha qimmatli ko‘nikmalarga ega bo‘lishdi.

Bunday amaliy mashg‘ulotlar ularning mutaxassislikka bo‘lgan qiziqishini yanada oshirishga va professional rivojlanishiga xizmat qiladi.