02.04.2025
1 daqiqa
Maktabgacha ta’limda o‘yin texnologiyalari:
Ochiq dars
Navoiy innovatsiyalar universiteti "Ijtimoiy-gumanitar fanlar" kafedrasi Maktabgacha ta’lim yo‘nalishi 3-kurs 1-guruh talabalari uchun o‘qituvchi Mansurova Maftuna Komilovna tomonidan "Maktabgacha ta’limda o‘yin texnologiyalari" fanidan "Harakatli o‘yin turlari va ularning mazmun-mohiyati. Mantiqiy o‘yinlarning bolalar rivojlanishidagi ahamiyati" mavzusida ochiq dars tashkil etildi.
Dars davomida talabalar ishtirokida "Men kreativ o‘qituvchi bo‘lmoqchiman" va "Qalam" metodlari o‘tkazildi. O‘tilgan mavzularni mustahkamlash maqsadida "Barabanni aylantir" interaktiv metodidan foydalanildi. Shuningdek, "Egiluvchan prizma" o‘yini orqali talabalar mavzuga oid bilimlarini mustahkamlashdi.
Dars davomida harakatli o‘yin turlari, ularni o‘tkazish metodikasi hamda mantiqiy o‘yinlarning bola rivojlanishidagi ahamiyati haqida chuqur tushunchalar berildi. Talabalar ushbu o‘yinlarni qiziqarli va tezkor savol-javoblar orqali amaliy tarzda o‘rganishdi.