18.03.2025
1 daqiqa
Madaniy farqlar: ilmiy yondashuv va amaliy tajriba
Navoiy innovatsiyalar universitetining Filologiya va tillarni oʻqitish kafedrasi katta oʻqituvchisi Qilichova Eʼzoza Xolpoʻlatovna tomonidan “Cultural Differences” mavzusida ochiq dars tashkil etildi. Ushbu dars 2-kurs 3-guruh Filologiya va tillarni oʻqitish (ingliz tili) yoʻnalishi talabalari uchun o‘tkazilib, ularning faol ishtiroki bilan yanada qiziqarli va interaktiv ruhda kechdi.
Ochiq dars davomida talabalar dunyo madaniyatlarining xilma-xilligi, milliy anʼanalar, odat va urf-odatlarning global kommunikatsiyaga taʼsiri haqida qimmatli maʼlumotlarga ega bo‘lishdi. Mashg‘ulotning asosiy maqsadi – talabalarni turli madaniy muhitlarda samarali muloqot qilishga o‘rgatish va ularning kommunikativ kompetensiyasini oshirish edi.
Dars jarayonida zamonaviy pedagogik metodlardan, jumladan "Communicative Language Teaching (CLT)", "Task-Based Learning", hamda "Indirect Method" usullaridan samarali foydalanildi.
Ushbu yondashuvlar talabalarni faol ishtirok etishga undash, real hayotiy vaziyatlarga asoslangan topshiriqlar orqali ularning fikrlash qobiliyatini rivojlantirish va mustaqil muloqot ko‘nikmalarini shakllantirishga xizmat qildi.
Dars yakunida tahlil ishtirokchilari – kafedra professor-o‘qituvchilari mashg‘ulotga yuqori baho berib, uning innovatsion yondashuvlarga boy va interaktiv tarzda o‘tganligini e’tirof etishdi. Bunday tadbirlar talabalar bilimini boyitish bilan birga, ularning kelajak pedagogik faoliyati uchun mustahkam asos yaratishiga ishonch bildirildi.