19.11.2024
1 daqiqa
Navoiy innovatsiyalar universiteti ustozlari Tailanddagi xalqaro konferentsiyada muvaffaqiyatli ishtirok etishdi
Bugungi kunda xalqaro hamkorlik va ilmiy tajriba almashish universitetimiz faoliyatida muhim o'rin tutadi. NIU ustozlaridan Filologiya va tillarni o'qitish kafedrasi o'qituvchilaridan Biksalieva Rimma, Mirzaeva Zulxumor hamda Fayzieva Gulchiroylar 2024-yil 15-17-noyabr kunlari Tailandning Chiang Ray shahrida bo‘lib o‘tgan 22-AsiaTEFL nufuzli xalqaro konferentsiyada ishtirok etishib, “Effective Ways of Assessing Students’ Independent Work in High Education System”, The role of AI for teachers in higher education”, “The methods of developing intercultural communication and global competences in english classes” kabi dolzarb mavzularda ma'ruzalar qilishdi.
Tailanddagi tashrif doirasida ustozlarimiz nafaqat ilmiy ma'ruzalar o'tkazishdi, balki boshqa davlatlardagi o'qituvchi va tadqiqotchilar bilan tajriba almashib, o'quv jarayonida qo'llaniladigan zamonaviy innovatsiyalarni o'rganish imkoniyatiga ega bo'lishdi.
Bu kabi xalqaro uchrashuvlar universitetimiz uchun yangicha ilmiy-amaliy faoliyatni yanada rivojlantirishga yordam berib, kelgusida ustozlarimiz va talabalarimiz uchun yangi imkoniyatlar eshigini ochadi.