Yo‘nalish haqida

Dastur bolalarni erta rivojlantirishning zamonaviy metodikalarini egallagan yuqori malakali pedagog va tarbiyachilarni tayyorlashga qaratilgan. Talabalar bolalar psixologiyasi, pedagogika asoslarini o‘rganadilar, shuningdek, bolalarning intellektual, hissiy va jismoniy jihatdan uyg‘un rivojlanishiga yordam beradigan xavfsiz, qiziqarli va rivojlantiruvchi muhit yaratish texnologiyalarini o‘zlashtiradilar.

O‘quv dasturi

• Pedagogika va psixologiya asoslari: Umumiy pedagogika, Umumiy psixologiya, Yosh davrlari va pedagogik psixologiya.
• Bola salomatligi va fiziologiyasi: Bolalar anatomiyasi, fiziologiyasi va gigiyenasi.
• Asosiy rivojlantirish metodikalari: Nutqni rivojlantirish nazariyasi va texnologiyalari, Elementar matematik tasavvurlarni shakllantirish.
• Ijodiy va jismoniy tarbiya: Tasviriy faoliyatga o‘rgatish texnologiyalari, Musiqa tarbiyasi nazariyasi va metodikasi, Jismoniy tarbiya nazariyasi va metodikasi.
• Ta'limdagi zamonaviy texnologiyalar: Maktabgacha ta'limda innovatsion va axborot texnologiyalari, Inklyuziv ta'lim.

Amaliyot va tajriba

O‘qish davomida talabalar yetakchi davlat va xususiy maktabgacha ta’lim tashkilotlarida, bolalarni erta rivojlantirish markazlarida va maktablarning tayyorlov guruhlarida pedagogik amaliyot o‘taydilar. Yo‘nalish bitiruvchilari quyidagi lavozimlarda muvaffaqiyatli faoliyat yurita oladilar: Davlat va xususiy bolalar bog‘chalarida tarbiyachi; Maktabgacha ta’lim tizimida uslubchi (metodist); Bolalarni erta rivojlantirish markazlarida mutaxassis; Xususiy pedagog yoki enaga (guvernyor).